ငလျင်ဒဏ်သင့် မြန်မာပြည်သူတွေကို အကူညီပေးမည် ဖြစ်ကြောင်း အမေရိကန် သမ္မတပြောကြား
အင်အား ရစ်ချ်တာစကေး ၇.၇ အဆင့် ငလျင်ကြီးလှုပ်ခတ်သွားမှုကြောင့် လူပေါင်း ထောင်ချီ သေဆုံးပျောက်ဆုံးနိုင်သည့် မြန်မာ့ငလျင်ဘေးဒုက္ခအတွက် အမေရိကန်နိုင်ငံက အကူအညီပေးမည်ဖြစ်ကြောင်း အမေရိကန်သမ္မတ ထရန့်က White House တွင် ပြုလုပ်သော မီဒီယာတွေ့ဆုံပွဲ၌ ပြောကြားခဲ့ကြောင်း သိရပါတယ်။
အမေရိကန်သမ္မတ ထရန့်က “ကျွန်ုပ်တို့က အကူအညီပေးသွားမှာပါ” ဟု ဆိုသည်။
အကူအညီပေးရေးလုပ်ငန်းများ ဆက်လက်လုပ်ဆောင်ရန်အတွက်လည်း မြန်မာနိုင်ငံဘက်မှာ တာဝန်ရှိသူများထံကို ပြောကြားပြီးပြီဖြစ်ကြောင်းလည်း အမေရိကန်သမ္မတ ထရန့်က ပြောကြားသည်။
စစ်ကောင်စီခေါင်းဆောင် မင်းအောင်လှိုင်ကလည်း ငလျင်လှုပ်ခတ်မှုအပြီး နိုင်ငံတကာအနေနှင့် ကူညီပေးကြရန် အစိုးရပိုင်မီဒီယာများကတစ်ဆင့် တောင်းဆိုခဲ့လေသည်။
မန္တလေးကိုဗဟိုပြုသော ငလျင်ကြောင့် လတ်တလော သေဆုံးသူ ၁၄၄ ဦးရှိပြီး ဒဏ်ရာရရှိသူ ၇၃၂ ဦးရှိဟု မင်းအောင်လှိုင်က စစ်တပ်ပိုင် ရုပ်မြင်သံကြားလိုင်းမှတစ်ဆင့် ယခုညပိုင်း ထွက်ပြောသည်။
Credit
